ລັດຖະມົນຕີ ກຕສ ຕ້ອນຮັບການເຂົ້າຢ້ຽມຂໍ່ານັບຂອງປະທານສະພາສະມາຊິກ ກຸ່ມໄປສະນີ ແລະ ໂທລະຄົມມະນາຄົມ, ສສ ຫວຽດນາມ

16/01/2023

ລັດຖະມົນຕີ ກຕສ ຕ້ອນຮັບການເຂົ້າຢ້ຽມຂໍ່ານັບຂອງປະທານສະພາສະມາຊິກ ກຸ່ມໄປສະນີ ແລະ ໂທລະຄົມມະນາຄົມ, ສສ ຫວຽດນາມ

          ໃນຕອນບ່າຍຂອງວັນທີ 12 ມັງອນ 2023 ທີ່ຫ້ອງຮັບແຂກ ກະຊວງເຕັກໂນໂລໂລຊີ ແລະ ການສື່ສານ(ກຕສ), ທ່ານ ບັນດິດ ສຈ. ບໍ່ວຽງຄຳ ວົງດາລາ, ລັດຖະມົນຕີ ກຕສ ໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ໂຕ ຊຸງ ຖາຍ, ປະທານສະພາສະມາຊິກ ກຸ່ມໄປສະນີ ແລະ ໂທລະຄົມມະນາຄົມ ສສ ຫວຽດນາມ ພ້ອມດ້ວຍຄະນະໃນໂອກາດທີ່ໄດ້ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ.

          ໂອກາດດັ່ງກ່າວ, ທ່ານ ໂຕ ຊຸງ ຖາຍ ໄດ້ສະແດງຄວາມຂອບໃຈຕໍ່ທ່ານລັດຖະມົນຕີທີ່ໄດ້ໃຫ້ກຽດຕ້ອນຮັບອັນອົບອຸ່ນໃນຄັ້ງນີ້, ພ້ອມທັງລາຍງານຈຸດປະສົງຂອງການເດີນທາງມາເຮັດວຽກໃນຄັ້ງນີ້. ພ້ອມທັງໄດ້ລາຍງານສະພາບການຈັດຕັ້ງປະຕິບັດວຽກງານຂອງສະພາສະມາຊິກກຸ່ມໄປສະນີ ແລະ ໂທລະຄົມມະນາຄົມ ຕໍ່ທ່ານ ລັດຖະມົນຕີ ເພື່ອຮັບຊາບ ໃນໄລຍະຜ່ານມາ ສະພາສະມາຊິກ ໄດ້ລົງເລິກດ້ານວຽກງານໂທລະຄົມມະຄົມ  ແລະ ຮ່ວມມື ກັບ ລັດຖະບານຫວຽດນາມ ໃນການຄຸ້ມຄອງປະຊາກອນ, ພົນລະເມືອງ ຊ່ວຍປະກອບສ່ວນໃນການສ້າງສາພັດທະນາປະເທດຊາດ,  ໄລຍະຕໍ່ມາໄດ້ເລີ່ມລົງເລິກເຂົ້າໃສ່ການພັດທະນາໃນຂົງເຂດເຕັກໂນໂລຊີການສື່ສານຂໍ້ມູນຂ່າວສານ ຕາມທ່າອ່ຽງເສດຖະກິດຂອງໂລກ ໃນການພັດທະນາເສດຖະກິດ ເພື່ອຫັນເປັນດິຈິຕ໋ອນ ພ້ອມທັງສະແດງຄວາມມຸ້ງຫວັງໃນການຮ່ວມມືກັນ ໂດຍສະເພາະແມ່ນ ຂົງເຂດເຕັກໂນໂລຊີ ແລະ ການສື່ສານ ບົນພື້ນຖານການຊີ້ນຳຂອງທ່ານລັດຖະມົນຕີ.

          ໂອກາດດຽວກັນ, ທ່ານ ບັນດິດ ສຈ. ບໍ່ວຽງຄຳ ວົງດາລາ ໄດ້ກ່າວສະແດງຄວາມຍິນດີຕ້ອນຮັບການເຂົ້າ ປະທານສະພາສະມາຊິກ ກຸ່ມໄປສະນີ ແລະ ໂທລະຄົມມະນາຄົມ ຄັ້ງນີ້, ຊຶ່ງທ່ານໄດ້ກ່າວ ກະຊວງຖະແຫຼ່ງຂ່າວ ແລະ ການສື່ສານ ສສ ຫວຽດນາມ ກັບ ກະຊວງເຕັກໂນໂລຊີ ແລະ ການສື່ສານ ສປປ ລາວ ໄດ້ຮ່ວມກັນລົງນາມໃນການພັດທະນາການຫັນເປັນດິຈິຕ໋ອນ ໃນ ສປປ ລາວ ໂດຍສະເພາະແມ່ນ: ການສ້າງລັດຖະບານດິຈິຕ໋ອນ, ເສດຖະກິດດິຈິຕ໋ອນ ແລະ ສັງຄົມດິຈິຕ໋ອນ ຊຶ່ງ ສປປ ລາວ ຍັງຂາດບົດຮຽນ, ປະສົບການ ໃນການວຽກງານດັ່ງກ່າວ. ພ້ອມທັງກ່າວສະແດງຄວາມຍິນດີໃຫ້ການຮ່ວມມືໃນຂົງເຂດດັ່ງກ່າວເປັນຕົ້ນແມ່ນການຝຶກອົບຮົມສ້າງຄວາມເຂັ້ມແຂງດ້ານບຸກຄະລກອນໄອທີ ແລະ ການນຳເອົາບົດຮຽນໃນການສ້າງຖານຂໍ້ມູນພົນລະເມືອງຢູ່ ສສ ຫວຽດນາມ ເພື່ອມາເອົານຳໃຊ້ໃນ ສປປ ລາວ ໃນອະນາຄົດ.      

            ຂຽນໂດຍ: ພຸດດາວອນ ພາສຸວັນ

 

 

 

 

ວິໄສທັດແຜນພັດທະນາເສດຖະກິດດິຈິຕ໋ອນ ແຫ່ງຊາດ
ສະຖິຕິຂະແໜງ ເຕັກໂນໂລຊີ ແລະ ການສື່ສານ ປີ2021
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ III (2021-2025)
ວາ​ລະ​ສານ ໄອ​ຊີ​ທີ 17
ລະ​ບົບ​ຂື້ນ​ທະ​ບຽນ​ປະ​ຊຸມ