ສອຊ ຕ້ອນຮັບການເຂົ້າຢ້ຽມຢາມຂອງ ຮອງລັດຖະມົນຕີ ກະຊວງພາຍໃນ ແລະ ຄວາມປອດໄພ ສ.ເກົາຫຼີ

15/09/2022

ສອຊ ຕ້ອນຮັບການເຂົ້າຢ້ຽມຢາມຂອງ ຮອງລັດຖະມົນຕີ ກະຊວງພາຍໃນ ແລະ ຄວາມປອດໄພ ສ.ເກົາຫຼີ

 

ໃນຕອນບ່າຍວັນທີ 2 ກັນຍາ ຜ່ານມານີ້, ທ່ານ ແກ້ວວິສຸກ ໂສລະພົມ ຫົວໜ້າສູນອິນເຕີເນັດ ແຫ່ງຊາດ (ສອຊ) ຫຼື Lao National Internet Center (LANIC), ກະຊວງເຕັກໂນໂລຊີ ແລະ ການສື່ສານ (ກຕສ) ໄດ້ຕ້ອນຮັບການຢ້ຽມຢາມ ແລະ ເຮັດວຽກ ຂອງ ທ່ານ ຮັນ ຈັງ ສົບ ຮອງລັດຖະມົນຕີ ກະຊວງພາຍໃນ ແລະ ຄວາມປອດໄພ ພ້ອມດ້ວຍຄະນະຮັບຜິດຊອບ ລັດຖະບານດິຈິຕອນ ຂອງ ສ.ເກົາຫຼີ ໃນໂອກາດທີ່ທ່ານ ແລະ ຄະນະ ໄດ້ເດີນທາງມາ ຢ້ຽມຢາມ ແລະ ເຮັດວຽກ ກັບ ກະຊວງເຕັກໂນໂລຊີ ແລະ ການສື່ສານ ກ່ຽວກັບ ການພັດທະນາລັດຖະບານດິຈິຕອນ.

ໃນໂອກາດນີ້, ທ່ານ ແກ້ວວີສຸກ ໂສລະພົມ ຫົວໜ້າສູນອິນເຕີເນັດ ແຫ່ງຊາດ, ໄດ້ລາຍງານກ່ຽວກັບພາລະບົດບາດ, ໜ້າທີ່ ແລະ ການເຄື່ອນໄຫວ ຂອງ ສູນ ໃນໄລຍະຜ່ານມາ, ໂດຍສະເພາະ ໂຄງລ່າງພື້ນຖານ ແລະ ການໃຫ້ບໍລິການ ຂອງ ສູນຂໍ້ມູນແຫ່ງຊາດ ທີ່ໄດ້ມາດຕະຖານສາກົນ ISO27001 ດ້ານຄວາມປອດໄພຂໍ້ມູນຂ່າວສານ ແລະ ເປັນບ່ອນຕິດຕັ້ງລະບົບ ແລະ ເກັບຮັກສາຂໍ້ມູນ ຂອງ ລະບົບລັດຖະບານດິຈິຕອນ ແລະ ລະບົບສຳຄັນອື່ນໆ ຂອງ ສປປ ລາວ.

ໃນຕອນທ້າຍຂອງວາລະການລົງຢ້ຽມຢາມໃນຄັ້ງນີ້, ທ່ານ ຮັນ ຈັງ ສົບ ພ້ອມດ້ວຍຄະນະ ຍັງໄດ້ຢ້ຽມຊົມຫ້ອງເຄື່ອງຂອງສູນຂໍ້ມູນດັ່ງກ່າວ ຊຶ່ງເປັນການຢັ້ງຢືນເຖິງຄວາມພ້ອມ ເພື່ອຮອງຮັບໃນການຫັນເປັນດິຈິຕອນ ຂອງ ສປປ ລາວ ໃນອະນາຄົດ.

ຂ່າວ: ສອຊ.

ພາບ: ພະແນກປະຊາສໍາພັນ, ຫ້ອງການກະຊວງ

 

ຊົມເຊີຍວັນໂທລະຄົມມະນາຄົມ 157 ປີ
ສະຖິຕິຂະແໜງ ເຕັກໂນໂລຊີ ແລະ ການສື່ສານ ປີ2021
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບຫຼ້າສຸດ
ວາ​ລະ​ສານ ໄອ​ຊີ​ທີ 17
ລະ​ບົບ​ຂື້ນ​ທະ​ບຽນ​ປະ​ຊຸມ