ເພື່ອຂໍ່ານັບຮັບຕ້ອນ ກອງປະຊຸມໃຫຍ່ ຄັ້ງທີ III ຂອງໜ່ວຍພັກ ກົມເຕັກໂນໂລຊີ ແລະ ນະວັດຕະກໍາ, ກອງປະຊຸມໃຫຍ່ ອົງການຈັດຕັ້ງມະຫາຊົນ ແລະ ກອງປະຊຸມໃຫຍ່ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ ທີ່ຈະມາເຖິງ ໃຫ້ເປັນຂະບວນຟົດຟື້ນ. 3 ອົງການຈັດຕັ້ງມະຫາຊົນ ກົມເຕັກໂນໂລຊີ ແລະ ນະວັດຕະກໍາ, ກະຊວງເຕັກໂນໂລຊີ ແລະ ການສື່ສານ ໄດ້ຈັດຂະບວນການອອກແຮງງານອະນາໄມລວມ ຢູ່ໃນຂອບເຂດສໍານັກງານຫ້ອງການຕົນ (ເຂດດອນຕິ້ວ) ເປັນຕົ້ນແມ່ນ ປັດກວດຂີ້ເຫຍື້ອ, ໃບໄມ້, ຕັດງ່າໄມ້, ຖາງຫຍ້າທີ່ຮົກເຮື້ອອອກ ເພື່ອເຮັດໃຫ້ສະຖານທີ່ດັ່ງກ່າວສະອາດຈົບງາມ ແລະ ມີຄວາມເປັນລະບຽບຮຽບຮ້ອຍ. ຂະບວນການອອກແຮງງານດັ່ງກ່າວ ຈັດຂຶ້ນໃນວັນທີ 25 ກັນຍາ 2024, ໂດຍການນໍາພາ ຂອງ ສະຫາຍ ຄໍາຜາ ທອງວັນນາ, ຮອງເລຂາໜ່ວຍພັກ, ຮອງຫົວໜ້າກົມເຕັກໂນໂລຊີ ແລະ ນະວັດຕະກໍາ ຊຶ່ງມີ 3 ອົງການຈັດຕັ້ງມະຫາຊົນພາຍໃນກົມດັ່ງກ່າວເຂົ້າຮ່ວມຢ່າງພ້ອມພຽງ.