ໃນຕອນແລງຂອງວັນທີ 03 ຕຸລາ 2024, 3 ອົງການຈັດຕັ້ງມະຫາຊົນ ກະຊວງເຕັກໂນໂລຊີ ແລະ ການສື່ສານ ໄດ້ຈັດຂະບວນການອອກແຮງງານລວມໃນຂອບເຂດສໍານັກງານກະຊວງ ເຂດສີສະເກດ ເພື່ອຂ່ຳຂັບຮັບຕ້ອນກອງປະຊຸມສຸດຍອດອາຊຽນ ຄັ້ງທີ 44 ແລະ 45 ທີ່ຈະຈັດຂຶ້ນໃນອາທິດໜ້ານີ້ ຢູ່ ນະຄອນຫຼວງວຽງຈັນ. ທັງເປັນການບົວລະບັດຮັກສາຄວາມສະອາດອ້ອມແອ້ມສໍານັກງານໃຫ້ມີຄວາມຈົບງາມ ໂດຍໄດ້ປັດກວດຂີ້ເຫຍື້ອ, ຕັດຫຍ້າບໍລິເວນຮົ້ວ, ແຄມທາງ ພ້ອມທັງປະດັບປະດາທຸງຊາດ, ທຸງທິວໃສ່ບໍລິເວນຮົ້ວອີກດ້ວຍ.

ການອອກແຮງງານລວມຄັ້ງນີ້ ປະກອບມີ 3 ອົງການຈັດຕັ້ງມະຫາຊົນຈາກ ຫ້ອງການ, ກົມແຜນການ ແລະ ການເງິນ, ສູນບໍລິຫານລັດດິຈິຕອນ ແລະ ກອງທຶນພັດທະນາໂທລະຄົມມະນາຄົມ ແລະ ການຫັນເປັນດິຈິຕອນ.