ຄະນະຜູ້ແທນ ສປປ ລາວ ນໍາໂດຍທ່ານ ມອນສິລິ ດວງມະນີ ຮອງຫົວໜ້າກົມຄື້ນຄວາມຖີ່ວິທະຍຸສື່ສານ, ກະຊວງເຕັກໂນໂລຊີ ແລະ ການສື່ສານ (ກຕສ) ພ້ອມດ້ວຍຄະນະ ໄດ້ສຳເລັດການເຂົ້າຮ່ວມກອງປະຊຸມມາດຕະຖານໂທລະຄົມມະນາຄົມໂລກ (ITU World Telecommunication Standardization Assembly (WTSA-24))) ລະຫວ່າງວັນທີ 15-24/10/2024 ທີ່ນະຄອນນິວເດລີ່, ປະເທດ ອິນເດຍ. ຊຶ່ງມີຜູ້ເຂົ້າຮ່ວມກອງປະຊຸມຫຼາຍກວ່າ 3500 ຄົນ ຈາກ 190 ປະເທດທົ່ວໂລກ.

ກອງປະຊຸມ WTSA ຈັດຂື້ນທຸກໆ 4 ປີ  ໂດຍມີຈຸດປະສົງຫຼັກຄື: ສ້າງ, ປັບປຸງ ແລະ ລົບລ້າງ ລະບຽບການມະຕິຕົກລົງ (WTSA Resolutions) ຕ່າງໆ. ຊຶ່ງປຽບເໝືອນກົດໝາຍທີ່ກຳນົດຂອບເຂດໃຫ້ບັນດາ ໜ່ວຍງານສຶກສາຄົ້ນຄວ້າ (Study Group)  ໃນການ ຄົ້ນຄວ້າ, ສ້າງ, ປັບປຸງ ແລະ ລົບລ້າງ ມາດຕະຖານເຕັກນິກ (ITU-T Recommendations) ຂອງເຕັກໂນໂລຊີການສື່ສານໂທລະຄົມມະນາຄົມ ແລະ ໄອຊີທີ (ICT) ໃນຮອບວຽນ 4 ປີຂ້າງໜ້າ (2024-2028, ສ້າງ, ປັບປຸງ ພາລະບົດບາດຂອງໜ່ວຍງານສຶກສາຄົ້ນຄວ້າ ລວມເຖິງການເລືອກຕັ້ງປະທານ (Chairman) ແລະ ຮອງປະທານ (Vice-chairman) ຂອງບັນດາ Study groups. ຊຶ່ງປະກອບດ້ວຍ: ມະຕິຕົກລົງ ກ່ຽວກັບ ການປ້ອງກັນ ແລະ ແກ້ໄຂບັນຫາ ອຸປະກອນປອມແປງ ແລະ ລັກຂະໂມຍ (Combating counterfeit and ICT Theft), ມະຕິຕົກລົງ ກ່ຽວກັບ ມາດຕະຖານເຕັກນິກຂອງອຸປະກອນສື່ສານ Conformity and Interoperability (Type approval), ມະຕິຕົກລົງ ກ່ຽວກັບ ມາດຕະຖານເຕັກນິກຄວາມປອດໄພຂອງການກະຈາຍຄື້ນຄວາມຖີ່ (EMF), ມະຕິຕົກລົງ ກ່ຽວກັບ ເຕັກໂນໂລຊີເຄືອຂ່າຍການສື່ສານໃນອານາຄົດ ແລະ ທີ່ເກີດໃໝ່ ເຊັ່ນ 5G, 6G (Future networks and emerging network technologies), ມະຕິຕົກລົງ ກ່ຽວກັບ AI (Artificial Intelligence), ມະຕິຕົກລົງ ກ່ຽວກັບ (Blockchain), ມະຕິຕົກລົງ ກ່ຽວກັບ ເຕັກໂນໂລຊີ (Internet of Things and Smart Cities), ມະຕິຕົກລົງ ກ່ຽວກັບ Quantum Cryptography,​ ມະຕິຕົກລົງ ກ່ຽວກັບ Digital Identities and Credentials,  ມະຕິຕົກລົງ ກ່ຽວກັບ Metaverse, ມະຕິຕົກລົງ ກ່ຽວກັບ Sustainable Digital Transformation, ມະຕິຕົກລົງ ກ່ຽວກັບ Cybersecurity, ມະຕິຕົກລົງ ກ່ຽວກັບ Countering and Combating Spam, ມະຕິຕົກລົງ ກ່ຽວກັບ International Mobile Roaming, ມະຕິຕົກລົງ ກ່ຽວກັບ Interconnection of 4G, IMT 2020 Networks and Beyond, ມະຕິຕົກລົງ ກ່ຽວກັບ ຄຸນນະພາບຂອງການບໍລິການ Service quality (QoS), quality of experience (QoE) and performance, ມະຕິຕົກລົງ ກ່ຽວກັບ ເຕັກໂນໂລຊີ Internet ແບບມີສາຍ ແລະ ໂທລະພາບແບບມາສາຍ (Broadband cable and TV) ແລະ ມະຕິຕົກລົງ ອື່ນໆ.

ກອງປະຊຸມ WTSA-24 ໃນຄັ້ງນີ້, ສປປ ລາວ ໄດ້ສຳເລັດຕາມເປົ້າໝາຍທີ່ກຳນົດໄວ້ ຫຼາຍດ້ານເປັນຕົ້ນ: ການປັບປຸງ Resolution 72 ກ່ຽວກັບ ການວັດແທກ ແລະ ປະເມີນຄວາມສອດຄ່ອງມາດຕະຖານເຕັກນິກຕໍ່ກັບບັນຫາ EMF (Measurement and assessment concerns related to human exposure to electromagnetic fields) ເພື່ອເຮັດໃຫ້ສາມາດຮອງຮັບ ການກວດກາວັດແທກ ມາດຕະຖານເຕັກນິກຄວາມປອດໄພຂອງການກະຈາຍຄື້ນຄວາມຖີ່ ຂອງສະຖານີຂອງເຕັກໂນໂລຊີໃໝ່ ໂດຍສະເພາະ 5G 6G ທີ່ອາດຈະນຳໃຊ້ຄື້ນຄວາມຖີ່ທີ່ສູງຂື້ນຮອດ 100Ghz. ສຳເລັດການປັບປຸງ Resolution 96 ກ່ຽວກັບ ການປ້ອງກັນ ແລະ ແກ້ໄຂບັນຫາ ອຸປະກອນປອມແປງ “ITU-T studies for combating counterfeit and tampered telecommunication/ICT devices” ເພື່ອສົງເສີມວິທີການແບບໃໝ່ ເພື່ອປ້ອງກັນອຸປະກອນປອມແປງ ຫຼື ລອກຮຽນແບບ, ສາມາດຄຸ້ມຄອງອຸປະກອນທີ່ນຳໃຊ້ເຕັກໂນໂລຊີໃໝ່ໆ, ສຳເລັດການປັບປຸງ Resolution 97 ກ່ຽວກັບ ການປ້ອງກັນ ແລະ ແກ້ໄຂບັນຫາອຸປະກອນທີ່ຖືກລັກຂະໂມຍ “Combating mobile telecommunication device theft” ເພື່ອສົ່ງເສີມໃຫ້ນຳໃຊ້ວິທີການທີ່ແທດເໝາະເພື່ອປ້ອງກັນຫານລັກຂະໂມຍອຸປະກອນ ທີ່ນຳໃຊ້ເຕັກໂນໂລຊີໃນປະຈຸບັນ ແລະ ເຕັກໂນໂລຊີທີ່ເກີດໃໝ່ ໂດຍການຮ່ວມມືກັບບັນດາປະເທດ, ພາກອຸດສະຫະກຳ. ສຳເລັດການຊ່ວຍເຫຼືອ ສປປ ຈີນ ຕໍ່ກັບ Resolution 92 ສົ່ງເສີມວຽກງານມາດຕະຖານເຕັກນິກຕໍ່ກັບເຕັກໂນໂລໂຊ IMT “Enhancing the standardization activities in the ITU-T related to non-radio aspects of IMT” ເພື່ອຮັກສາຜົນປະໂຫຍດຂອງ ສປປ ຈີນ ໂດຍການປັບບາງເນື້ອໃນຂອງມະຕິຕົກລົງ Resolution 92 ແລະ ສຳເລັດການຊ່ວຍເຫຼຶອ ສະຫະພັນ ລັດເຊຍ ໃນການສະໜັບສະໜຸນ 4 ຜູ້ສະໝັກຮັບເລືອກຕັ້ງຕຳແໜ່ງຮອງປະທານຂອງ 4 ໜ່ວຍງານສຶກສາຄົ້ນຄວ້າ (ITU-T study groups) ດ້ວຍວິທີການ ອອກຄຳເຫັນໃນກອງປະຊຸມໃຫຍ່, ດ້ວຍການໃຫ້ຄະແນນແບບ Voting ໃນກອງປະຊຸມໃຫຍ່ ແລະ ດ້ວຍການລົງຄະແນນສຽງປິດລັບ.