ໃນວັນທີ 22 ພະຈິກ 2024 ຜ່ານມາ, 03 ອົງການຈັດຕັ້ງມະຫາຊົນ ກະຊວງເຕັກໂນໂລຊີ ແລະ ການສື່ສານ (ກຕສ) ໄດ້ຮ່ວມແຮງຮ່ວມໃຈສ້າງຂະບວນການອອກແຮງງານອະນາໄມລວມ, ທາສີຮົ້ວ ແລະ ປະດັບປະດາທຸງຊາດ-ທຸງພັກ, ທຸງທິວ ໃນຂອບເຂດສໍານັກງານແຕ່ລະຈຸດຂອງກະຊວງ ເພື່ອຂໍ່ານັບຮັບຕ້ອນວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 49 ປີ (02 ທັນວາ 1975-02 ທັນວາ 2024) ໃຫ້ເປັນຂະບວນຟົດຟື້ນ, ທັງເປັນການຮັກສາຄວາມສະອາດຈົບງາມ ແລະ ຄວາມເປັນລະບຽບຮຽບຮ້ອຍ.