ເພື່ອເປັນການຕິດຕາມ, ກວດກາ ແລະ ຊຸກຍູ້ວຽກງານກວດກາລັດຢ່າງເປັນປົກກະຕິ ຂອງສົກປີ 2023, ອີງຕາມຂໍ້ຕົກລົງ ຂອງລັດຖະມົນຕີ ກະຊວງເຕັກໂນໂລຊີ ແລະ ການສື່ສານ (ກຕສ), ສະບັບເລກທີ 2237/ກຕສ, ລົງວັນທີ 22 ສິງຫາ 2023. ໃນລະຫວ່າງວັນທີ 08-20 ກັນຍາ 2024 ຜ່ານມານີ້, ກົມກວດກາ, ກະຊວງເຕັກໂນໂລຊີ ແລະ ການສື່ສານ ໄດ້ລົງເຄື່ອນໄຫວຕິດຕາມ, ກວດກາ ແລະ ຊຸກຍູ້ວຽກງານກວດກາລັດ ຮ່ວມກັບ ພະແນກເຕັກໂນໂລຊີ ແລະ ການສື່ສານ 06 ແຂວງພາກໃຕ້ ຄື: ພະແນກເຕັກໂນໂລຊີ ແລະ ການສື່ສານ (ພຕສ) ແຂວງ ຄໍາມ່ວນ, ສະຫວັນນະເຂດ, ສາລະວັນ, ເຊກອງ, ອັດຕະປື ແລະ ຈໍາປາສັກ. ຊຶ່ງນໍາພາໂດຍ ທ່ານ ເຮີເຊັງ ເຢຍປໍເຮີ, ຫົວໜ້າກົມກວດກາ; ທ່ານ ນ. ນິຍົມ ດວງພະຈັນ, ຫົວໜ້າພະແນກກວດກາລັດ ພ້ອມດ້ວຍຄະນະ ໂດຍໃຫ້ການຕ້ອນຮັບຂອງຫົວໜ້າພະແນກ ພຕສ ແຕ່ລະແຂວງພ້ອມດ້ວຍຄະນະ ແລະ ພະນັກງານ-ວິຊາການພາຍໃນພະແນກດັ່ງກ່າວ.

ພາບ ແລະ ຂ່າວ: ກົມກວດກາ