ກອງປະຊຸມແລກປ່ຽນຖອດຖອນບົດຮຽນການຈັດຕັ້ງປະຕິບັດວຽກງານສະຫະພັນແມ່ຍິງ ແລະ ວຽກງານວິຊາສະເພາະລະຫວ່າງ ກຕສ ແລະ ຮສສ

13/06/2022

ກອງປະຊຸມແລກປ່ຽນຖອດຖອນບົດຮຽນການຈັດຕັ້ງປະຕິບັດວຽກງານສະຫະພັນແມ່ຍິງ  ແລະ ວຽກງານວິຊາສະເພາະລະຫວ່າງ ກຕສ ແລະ ຮສສ

       ຄະນະບໍລິຫານງານສະຫະພັນແມ່ຍິງ ກະຊວງເຕັກໂນໂລຊີ ແລະ ການສື່ສານ (ກສຕ) ແລະ ຄະນະບໍລິຫານງານສະຫະພັນແມ່ຍິງ ກະຊວງແຮງງານ ແລະ ສະຫວັດດີການສັງຄົມ (ຮສສ) ໄດ້ຮ່ວມເປັນເຈົ້າພາບ ຈັດກອງປະຊຸມແລກປ່ຽນ ຖອດຖອນບົດຮຽນ ການຈັດຕັ້ງປະຕິບັດວຽກງານສະຫະພັນແມ່ຍິງ ແລະ ວຽກງານວິຊາສະເພາະ ລະຫວ່າງ ສອງກະຊວງ ຂຶ້ນໃນວັນທີ 10 ມິຖຸນາ 2022, ທີ່ເຮືອນຮັບແຂກ ກສສ ໂດຍການເປັນປະທານຮ່ວມ ຂອງ ສະຫາຍ ນາງ ເກສອນ ສຸລິວົງ, ປະທານສະຫະພັນແມ່ຍິງ ກຕສ ແລະ ສະຫາຍ ນາງ ມອນທອງ ອິນທະວົງ, ປະທານສະຫະພັນແມ່ຍິງ ຮສສ, ຊຶ່ງມີຜູ້ຕາງໜ້າເຂົ້າຮ່ວມຈາກໜ່ວຍສະຫະພັນຍິງ ບັນດາກົມ ແລະ ທຽບເທົ່າ ທັງສອງກະຊວງ, ບັນດາບໍລິສັດລັດວິສາຫະກິດ ໂທລະຄົມມະນາຄົມ ແລະ ໄປສະນີ ທີ່ຂຶ້ນກັບ ກຕສ ລວມທັງໝົດ 120 ສະຫາຍ.

         ຈຸດປະສົງຂອງກອງປະຊຸມຄັ້ງນີ້, ແມ່ນເພື່ອເປັນການແລກປ່ຽນ ຖອດຖອນບົດຮຽນ ການຈັດຕັ້ງປະຕິບັດວຽກງານ, ການນໍາສະເໜີຄວາມເປັນມາ ແລະ ການຈັດຕັ້ງວຽກງານຂອງ ສະຫະພັນແມ່ຍິງທັງສອງກະຊວງ ແລະ ສະເໜີໂຄງປະກອບການຈັດຕັ້ງຂອງກະຊວງໂດຍສັງເຂບ. ພ້ອມນັ້ນ, ຍັງໄດ້ນໍາສະເໜີຜົນງານດ້ານວຽກງານວິຊາສະເພາະຂອງ ກຕສ ເຊັ່ນ: ການຂຶ້ນທະບຽນເລກໝາຍໂທລະສັບ ແລະ ການຫັນເປັນດິຈິຕ໋ອນ ແລະ ການນໍາສະເໜີຜົນງານດ້ານວຽກງານວິຊາສະເພາະຂອງ ກສສ ເຊັ່ນ: ວຽກງານສະຫວັດດີການສັງຄົມ. ກອງປະຊຸມດັ່ງກ່າວ ບັນດາຜູ້ເຂົ້າຮ່ວມຍັງໄດ້ສົນທະນາຖອດຖອນ ແລກປ່ຽນບົດຮຽນ ເຊິ່ງກັນ ແລະ ກັນ ຊຶ່ງເຕັມໄປດ້ວຍບັນຍາກາດອັນດີ ແລະ ຟົດຟື້ນ. ພ້ອມດຽວກັນ, ກໍຍັງມີການຈັດກິດຈະກໍາ ແລະ ມອບຂອງທີ່ລິນຶກ ລະຫວ່າງ ປະທານສະຫະພັນແມ່ຍິງ ເພື່ອຮັດແໜ້ນຄວາມສາມັດຄີຂອງສອງກະຊວງ.

 

ຊົມເຊີຍວັນໂທລະຄົມມະນາຄົມ 157 ປີ
ສະຖິຕິຂະແໜງ ເຕັກໂນໂລຊີ ແລະ ການສື່ສານ ປີ2021
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບຫຼ້າສຸດ
ວາ​ລະ​ສານ ໄອ​ຊີ​ທີ 17
ລະ​ບົບ​ຂື້ນ​ທະ​ບຽນ​ປະ​ຊຸມ