ຜ່ານໂຄງຮ່າງ ແລະ ເນື້ອໃນ ວ່າດ້ວຍດຳລັດກອງທຶນພັດທະນາໂທລະຄົມມະນາຄົມ ແລະ ການຫັນເປັນດີຈິຕອນ

10/08/2022

ຜ່ານໂຄງຮ່າງ ແລະ ເນື້ອໃນ ວ່າດ້ວຍດຳລັດກອງທຶນພັດທະນາໂທລະຄົມມະນາຄົມ ແລະ ການຫັນເປັນດີຈິຕອນ

      ວັນທີ 2 ສິງຫາ 2022 ຜ່ານມານີ້, ທີ່ຫ້ອງປະຊຸມ, ສະຖາບັນເຕັກໂນໂລຊີສື່ສານຂໍ້ມູນຂ່າວສານ, ອົງການດັດສົມໂທລະຄົມມະນາຄົມ, ກະຊວງເຕັກໂນໂລຊີ ແລະ ການສື່ສານ (ກຕສ) ໄດ້ຈັດກອງປະຊຸມຜ່ານໂຄງຮ່າງ ແລະ ເນື້ອໃນວ່າດ້ວຍ ດຳລັດກອງທຶນພັດທະນາໂທລະຄົມມະນາຄົມ ແລະ ການຫັນເປັນດີຈິຕອນ ໂດຍເປັນປະທານຂອງ ທ່ານສຸດໃຈ ລໍລອນສີຄະນະພັກກະຊວງ, ຫົວໜ້າ ອົງການດັດສົມໂທລະຄົມມະນາຄົມ, ໂດຍມີຄະນະຮັບຜິດຊອບເນື້້ອໃນສ້າງຕັ້ງກອງທຶນພັດທະນາໂທລະຄົມມະນາຄົມ ແລະ ການຫັນເປັນດີຈິຕອນ, ບັນດາຄະນະກົມ, ຫ້ອງການ, ສູນ  ແລະ ສະຖາບັນ ພາຍໃນ ກຕສ ເຂົ້້າຮ່ວມ.

      ຈຸດປະສົງໃນກອງປະຊຸມຄັ້ງນີ້ ແມ່ນເພື່ອຜ່ານໂຄງຮ່າງ ແລະ ເນື້້ອໃນວ່າດ້ວຍດຳລັດໂທລະຄົມມະນາຄົມ ແລະ ການຫັນເປັນດິຈິຕອນ ເພື່ອໃຫ້ເປັນເອກະພາບທາງດ້ານໂຄງຮ່າງ ແລະ ເນື້້ອໃນດັ່ງກ່າວ ຈາກບັນດາຄະນະຮັບຜິດຊອບເນື້້ອໃນ ແລະ ບັນດາຄະນະກົມ, ຫ້ອງການ, ສູນ  ແລະ ສະຖາບັນພາຍໃນ ກຕສ ກ່ອນຈະລາຍງານຄວາມຄືບໜ້າຂອງການສ້າງຕັ້ງດຳລັດດັ່ງກ່າວຕໍ່ ຄະນະນຳກະຊວງເຕັກໂນໂລຊີ ແລະ ການສື່ສານໃນຂັ້ນຕໍ່ໄປ.

       ໃນກອງປະຊຸມດັ່ງກ່າວ ບັນດາຄະນະຮັບຜິດຊອບເນື້້ອໃນ ແລະ ບັນດາຄະນະກົມ, ຫ້ອງການ, ສູນ ແລະ ສະຖາບັນພາຍໃນ ກຕສ ໄດ້ມີຄວາມຮັບຜິດຊອບສູງເອົາໃຈໃສ່ປະກອບຄຳຄິດຄຳເຫັນ ຕໍ່ກັບດຳລັດກອງທຶນພັດທະນາໂທລະຄົມມະນາຄົມ ແລະ ການຫັນເປັນດີຈິຕອນ ເພື່ອເຮັດໃຫ້ເນື້້ອໃນດຳລັດສອດຄ່ອງກັບເປົ້າໝາຍຂອງການນຳໃຊ້ກອງທຶນ ໂດຍສະເພາະວຽກງານການພັດທະນາດ້ານໂທລະຄົມມະນາຄົມ ແລະ ການຫັນເປັນດິຈິຕອນ ໃນຂອບເຂດທົ່ວປະເທດ.

       ພາບ+ຂາວ: ອົງການດັດສົມໂທລະຄົມ

 

ສະຖິຕິຂະແໜງ ເຕັກໂນໂລຊີ ແລະ ການສື່ສານ ປີ2021
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ III (2021-2025)
ວາ​ລະ​ສານ ໄອ​ຊີ​ທີ 17
ລະ​ບົບ​ຂື້ນ​ທະ​ບຽນ​ປະ​ຊຸມ